Enkelt sjal

Eg har strikka eit enkelt, men godt og varmt sjal i rillestrikk.

Garnet eg har brukt er Eventyr blandingsgarn av 70% ull, og 30% nylon.

Det er strikka på pinnar nr 4, eit nr større enn anbefalt på garnet. Eg brukte 3 nøster, og det blei ca 180 cm breidt, og ca 70 cm langt. Brukar ein tjukkare garn, går det jo endå raskare å strikka. Kanskje eit tips til julegåve.

Slik strikka eg det:

1 omg: legg opp 3 m.

Ta første m laus av på kvar pinne.

2 omg: str r tilbake.

3 omg: str r til du har 1 m igjen på pinnen. Lag eit kast, og str den siste m. Gjenta denne omg til sjalet er så langt som du vil ha det. Fell av.

Vask det, og strekk det i fasong.

God helg, og kos deg med strikkinga :)

Småstrikk

Eg har strikka nokre småplagg til ein ny verdensborgar. Dei er strikka diverse babyull.

Og så blei det kvar sitt lestepar til heldige storesøster og storebror.

Når eg likevel var i gang, strikka eg nokre fleire skjorter. 

Alle plagga er eigne oppskrifter.

Så er eg så heldig at eg har vunne dette hos Annette med denne bloggen. Ho er ei kreativ dame som har mange prosjekt på gong. Og som du ser på bildet, så strikkar ho og gjerne for deg som vil det. 

Tusen takk for pakken, Annette :) Det er alltid kjekt å få slike bloggpakkar i posten.

Og takk til deg som stakk innom :)

Mariusmønster

Eg fekk eit ynskje om eit tova sitjeunderlag i Mariusmønster. 

Slik blei det, og det er strikka i Østlandsgarn.

Det såg slik ut før toving. For at det skulle tova seg flatt, festa eg sikkerhetsnåler gjennom begge laga. Og det fungerte bra.

No skal det ut på tur. Og første turen går til fine Lofoten.

Så kjekt at du stakk innom :)