Ambrosiabrød

Ambrosiabrød er gode julebrød som det er blitt tradisjon å baka kvart år.

Dei inneheld stjerneanis og nellik som er gode julekrydder.

Her er oppskrifta:

4 dl mjølk

1 dl vatn

150 g smør

1,5 kopp (ca 2,5 dl) sukker

1 egg (kan sløyfast)

50g gjær

1 ts salt

ca 800 g (ca 14,5 dl) kveitemjøl

2 ts stjerneanis

1 ts nellik

rosiner eller korinter (kan sløyfast)

Bland saman mjølk, vatn, smør og sukker, og gje det eit oppkok. Avkjøl. Ha i gjær, og eventuelt egg. Ha i det tørre, og bland godt. Set til heving. Del deigen i tre, og bak ut runde eller avlange brød. Set til heving ein gong til. Pensle med egg eller vatn. I oppskrifta står det at dei skal steikast på 200 grader. Det er litt sterk varme for min ovn, så eg brukar å steika dei på 180-190 grader. Ca. 30 min.

Smakar nydeleg med brunost, eller anna favorittpålegg :)

Ynskjer deg ein god adventskveld :)

No knead bread

Ja, no har eg og prøvd å baka dette brødet. Det var ei spennande, enkel og annleis oppskrift. 

Eg fann den på Husmorblogg, og der finn du og linkar og videoar til oppskrifta.

Eg hadde ikkje noko gryte som eigna seg inni omnen, så eg brukte ei eldfast form/skål, og la ein middagstallerk over. Det fungerte fint.

Mmmm....nydeleg. Berre prøv :)

Hyllebærgele

Tenkte eg ville prøva å laga litt hyllebærgele før det var for seint. Lagde hylleblomstgele- og saft i sommar, og det gav meirsmak til å prøva hyllebæra og.



Hyllebæra vart brukt mykje i naturmedisinen i gamle dagar, og eg ser at det er diverse hyllebærprodukt å få kjøpt som helsekost. Dei skal visst vera gode mot diverse plager, uten at eg kan så mykje om det.



Eg plukka ei lita panne med klaser, og sette i gong. Brukte oppskrift på vanleg gele, men smakte den til med sitronsyre. Resultatet vart brukbart. Det vart ein mørk gele med mykje smak.


Artig at det går an å laga både hylleblomstgele av hylleblomsten, og hyllebærgele av hyllebæra. Og begge sortane kan brukast både som pålegg, eller som eit friskt tilbehør til diverse matrettar.

Hylleblomstsaft

Har hatt feriebesøk, og vi prøvde oss på å laga hylleblomstsaft.
Vi brukte
40 hylleblomster
1,5 sitron
1,7 l vatn

1 pk sitronsyre
1,6 kg sukker

Rens blomsten, vask sitronen og del den i skiver. Ha alt i plastbolle, og hell vatn over. La stå kjøleg i 2,5 dg. Sil av, og kok opp safta med 1,6 kg sukker, og ha i 1 pose sitronsyre. Smak til, og skum av. Vi laga både saft og gele, og det vart 1,2 l saft og 1 l gele. I safta rørde vi ut litt atamon, og i geleen tilsette vi certo. Det vart god smak på både saft og gele, så dette prøver vi gjerne igjen.



Sjå kor vakker hylleblomsten er :)



Her ligg hylleblomst, sitron og vatn og godgjer seg.



Og her er safta og geleen ferdig.