Hekla veske

Det er blitt endå ei veske. Denne har rund form, og har fått både knyting og hank. Den er hekla i bomullsgarn, og er ca 30x22x85(hank) cm.

Takk for besøket :)

Hekla eggeglas

Litt heklekos i diverse påskefargar blei til desse eggeglasa. Dei er hekla i bomullsgarn som passar til heklenål nr 3,5. 

Takk for at du stakk innom, og god helg :)

 

Hekla nett

 

Det er kjekt å finna ulike måtar å setja saman bestemorruter. Denne gongen blei det eit nett. Det er ca 30x24 cm, og er hekla i Cotton medi.

Takk for at du stakk innom, og god helg :)

Hekla korger

Det er gøy å prøva diverse interiørgarn som er å få kjøpt, og det er mykje nyttig ein kan laga av det. Eg har hekla nokre korger, som kan brukast til litt av kvart.

Dei blei til etter kvart, og i omvendte fargar. Begge er hekla i båndgarn med heklenål nr 7.

Takk for at du stakk innom :)

Hekla korg

Det er så kjekt å hekla med diverse typar tjukt garn. Då kan ein og hekla litt større ting som er praktiske til oppbevaring.

Denne passar fint til strikkekorg, men kan jo og brukast til anna ting og tang.

Korga er hekla i stoffgarn, og den er ca 20x13 cm.

Takk for at du stakk innom :)

Hekla vesker i retrostil

Det er blitt nokre fleire vesker. Denne gongen i retrostil.

Og det er kjekt å finna fine knappar som passar til.

Dei kan sjølvsagt brukast både som strikkevesker, og elles til det ein treng dei til.

Begge er hekla i Cotton medi.

Takk for at du stakk innom, og god helg :)

Clutch

Her går det mest i hekling for tida, og no har hekla nokre clutch.

Kvar clutch har fått ein fin knapp, og ei perle til pynt på snora.

Dei er hekla i Cotton medi, og er ca 17x11cm.

Eg sel dei for 250kr pr stk, inkludert frakt.

Takk for besøket :)

Påskeantrekk til Zaloflaska.

Ja, no er påskeantrekket til Zaloflaska i boks. Eg har hekla slike før, men ikkje i påskefargar. Syns den blir eit litt bedre blikkfang med eit trekk. Og så er det kjekt å hekla slike småting.

Det er hekla i bomullsgarn, og er enkelt å ta på og av.

No tek eg ein litt tidleg påskeferie her på bloggen, og ynskjer deg som er innom ei god påske :)

Rundt golvteppe

Eg hadde eit litt tjukt kabelgarn som eg grubla på kva eg kunne laga av.

Det inneheld 40% ull, 40% acryl, og 20% nylon. Eg kom fram til at sidan det er både ull og nylon i det,  kunne det kanskje egna seg til golvteppe. Då skulle det bli både slitesterkt og lunt.

Det skulle strikkast på pinnar nr 7, men for å få det litt tett, så brukte eg heklenål nr 5. 

Dette teppet fekk ein litt frisk fargekombinasjon, men eg syns likevel at det fungerte.

Eg har enno litt meir garn igjen, så det blir kanskje nokre fleire tepper.

Takk for at du stakk innom, og god helg :)

Bestemorteppet er ferdig.

Dette har vore eit koseleg arbeid, og eg er veldig fornøgd med teppet.

Det er sett saman av diagonale striper i dei ulike fargane.

Teppet veg ca 850 gram, og er ca 90x170 cm. Så det blei eit lett og godt teppe.

Prøvde først å hekla ein kant rundt der eg brukte alle fargane, men syns ikkje det passa. Så det blei ein enkel kant. 

Eg syns det var eit godt garn å bruka til teppe. Her kan du lesa meir om det.

Tusen takk for fine kommentarar på forrige innlegg :) Dei blir sett stor pris på.

Takk for besøket, og god helg :)

Bestemorteppe

No er det lenge sidan eg har hekla bestemorruter, og jammen var det kjekt.

Grubla ei stund på korleis eg ville ha teppet, og trur eg er fornøgd med det eg kom fram til.

Inntil no har eg festa alle endar etter kvart. Håper eg fortset med det.

Eg brukar eit garn som eg har. Det er Peru blandingsgarn, og inneheld 40% alpakka, 30% ull og 30% acryl. 50 gram er 150 meter. Så då regnar eg med at det blir eit teppe som ikkje blir så tungt. Det er Europris som har garnet.  ( Dette er ikkje sponsing.)

Då heklar eg vidare på teppet.

God helg, og takk for at du stakk innom :)

Heklekos

Det er kjekt med litt småplukk i førjulstida.

Og  det er så koseleg å laga ting sjølv istadenfor å kjøpa. 

Det blei ein enkel engel, og små minihjarter hekla av smårestar. Dei kan brukast som pynt på diverse ting og tang.

Takk for at du stakk innom, og god helg :)

Småting.

I fjor hekla eg slike hjarter i raudt bomullsgarn. Du kan sjå dei her.

No har eg hekla dei i eit grovare materiale, så dei får eit røffare uttrykk.

Så har eg strikka ei Minecrafthue til bestemorguten. Ser det er så populært for tida. Eg hadde noko alpakka som eg strikka den av, og brukte pinnar nr 3 og 3,5. Den er sendt med posten, og passa akkurat.

Takk for besøket, og velkomen til ny følgar :)

Koseleg hekling

Eg hadde egentleg ikkje tenkt å hekla nokon juleting i år.

Men så dukka det opp nokre nøster som passa så godt til formålet.

Dermed blei det nokre hjerter.

Og enkle glasbrikker. Begge deler blei til underveis, og dei er hekla i Mandarin bomullsgarn.

Og så er det jo veldig kjekt å halda på med slike småting no før jul. 

Takk for besøket, og velkomen til 2 nye følgarar :)

Sommarvesker

For ei stund sidan kjøpte eg litt Paris bomullsgarn for å prøva det.

Det er litt tjukkare enn vanleg bomullsgarn, så eg brukte heklenål nr 4.

Resultatet blei to hekla vesker i ulike fargar.

Dei har vore ferdige ei stund, bortsett frå at dei no fekk seg kvar sin innerlomme.

I den er det plass til mobil eller andre småting.

Grei sommarveske når du ikkje treng ha så mykje med deg.

Og den tek liten plass som ei ekstra veske i bagasjen.

Eg har fått spørsmål om korleis eg har hekla blomsten på veska, og om eg har brukt ei oppskrift til den. Det er mi eiga oppskrift, og den er veldig enkel å hekla. Slik er den:

Hekle 4 lm. Ta saman til ein ring.

Hekle 8 fm i ringen.

Hekle 1 fm, 2 fm i neste m, ut omg. (12 fm)

Hekle 3 lm, 1 fm i neste fm, ut omg.

Lukke til med heklinga :)

Ynskjer alle ein fin sommar :)

To putar i ein.

Eg har hekla ein enkel pute i halvstavar. 

Den har  ulike fargar på kvar side, så det er fort gjort å fornya den.

Eg syns halvstavar er fint, og det blir eit stødigare og tettare resultat enn stavar.

Og eg har hekla snorer til lukking.

Velkomen til nye følgarar, og god helg :)

Fargerike blekksprutar

To blekksprutar til har sett dagens lys. 

Den første eg hekla var til bestemorguten i sommar.

Sidan barn er glad i fargar blei dei fargerike.

Og det er ingen delar som kan vera farlege for små barn. 

Takk for besøket, og god helg :)