27.04.2010

Kjekt å ha, og ting og tang posar.

No har eg og kjøpt meg merker til å sy på det eg lagar, og jammen er det kjekt å ha. Det var på Sefta holm design sin blogg eg fann adressa, og den er her.



Har sydd nokon posar som eg kallar ting og tang posar. Dei kan brukast til oppbevaring av diverse ting og tang, eller brukast som gåveposar. Heklebrikkene hadde eg frå før. Posane er i ulik storleik, og er enkle å dra opp og igjen. Dei blir etter kvart lagt ut på Epla.









16.04.2010

Å verta bestemor

Tenk å verta bestemor.
Å få halda eit under i armane sine.
Å få kjenna den nye mjuke huda mot si.
Å ynskja at det må gå vel med dette barnet.
Dette ser eg fram til, for eg er blitt bestemor.







10.04.2010

Litt hekling

Har hekla desse tre kurvene av noko bomullsgarn som eg hadde. For å få ulik størrelse på dei, hekla eg berre ferre omgangar i botnen. Brukte ei tynnare heklenål enn vanleg, for at dei skulle bli faste og halda fasongen. Hekla til slutt krepsemasker rundt kanten som er bretta ned.




Her er eit prosjekt som eg held på med, og som kjem i neste blogginnlegg.

Ellers er det mest spinning eg styrer med for tida. Eg har strikka eit par nye sjal med mi eiga oppskrift, og vil du sjå dei finn du dei her. Det er enkle oppskrifter, men det var kjekt å få det til. Ha ei triveleg helg :)