Hekla eggeglas

Litt heklekos i diverse påskefargar blei til desse eggeglasa. Dei er hekla i bomullsgarn som passar til heklenål nr 3,5. 

Takk for at du stakk innom, og god helg :)

 

Leggings til barn

No er tida inne for varme plagg og tilbehør. Og varme leggings er godt å ha i kulden.

Dei øverste her er til dei litt større barna. Dei er ca 30 cm lange.

Og desse til dei litt mindre, er ca 22 cm lange.

Alle er strikka i Drops merino extra fine, og det er eiga oppskrift.

Og dei kan jo brukast både utstrekt eller litt samankrølla.

Ynskjer deg gode førjulsdagar :)

Vaskevott til barn

Har strikka vaskevottar til barn i bomullsgarn. Eg har strikka dei i glattstrikk, så dei skal vera glatte og gode mot barnehuda.

Eg har ikkje skreve ned noko oppskrift, men det er berre å strikka ein vott utan tommel. Eg hekla ei hempe til slutt, før eg klipte av garnet. 

Restegarnet har vore med og bestemt resultatet, og det  samarbeidet fungerte bra :) 

Barnevest

Først vil eg takka for alle hyggelege gratulasjonar på bursdagen min :) Dette er vel den mest overraskande og originale bursdagsgåve eg har fått, og med det nye designet som ho teikna, er det vel ikkje tvil om at det er ein handarbeidsblogg! Berre ikkje sauen spring fortare enn strikkepinnane greier å følgja :) 

Så har eg strikka to barnevestar. Oppskrifta har eg laga sjølv, og dei er strikka i Tiur dalegarn og Silja på pinne nr. 3,5. Trur den passar frå ca. 8 mnd. og oppover. Den nederste fekk bestemorguten når han var ca. 8 mnd, og då  har han litt å veksa i. 

Den øverste blir lagt ut på Epla i løpet av helga.

God helg til alle som er innom :)

Meir småstrikk

Det blir visst berre småstrikk med meg for tida. Her er fleire fargerike vottar, men no i to storleikar.


Desse er str. ca. 4-6 år, og dei sel eg for 75 kr. pr. par.


Og desse er str. ca. 2-3 år, og eg sel dei for 70 kr. pr. par.

Fargerike vottar

Har strikka desse fargerike vottane i Østlandsgarn. Eg er nok litt usikker på kva størrelse det er, fordi eg ikkje har brukt oppskrift, men eg trur det er ca. 2-3 år. Sel dei for 70 kroner pr. par.