Retroveske med knapp

Eg har så mange fine store knappar, så eg grubla litt på kva dei kunne brukast til.

Resultatet blei desse retroveskene med knapp.

Dei er fine som ei lita strikkeveske, men kan sjølvsagt og brukast til andre ting.

Dei har desse måla: ca 26,5cm breid, ca 15cm høg, og botnen er ca 20x7cm. Alle er hekla i Linde ren bomull.

Eg sel dei for 350kr pr stykk, inkludert frakt.

Takk for besøket :)

Retro

Eg har strikka ein enkel retrogensar til bestemorjenta. Sist eg strikka ein slik trur eg var på 90-talet. Ein grei og enkel måte å strikka gensar på, men eg likar nok bedre raglan eller rundfelling.

Den er strikka i Linde superwashull. Syns den trong litt pynt når den var ferdig, så det blei eit lite hjarte i maskesting. 

God søndag :)

Ankelsokkar

Eg har strikka nokre enkle ankelsokkar. Og med ribbestrikk oppå rista, set dei godt på foten.

Dette er eit fint prosjekt til enkle nøster, for eg brukte i underkant av 50g til eit par.

Dei er strikka i Senja/Siljagarn på pinnar nr 2,5.

Dei er enkle å strikka, og oppskrifta har eg lagt ut her.

God søndag :)