01.05.2012

Meir sying

Etter fangsten med stoff i påska, har eg blant anna dette maritime og flotte stoffet med gamle seglskuter.

Lurte  på kva som passa å sy av det, og fann ut at eg kunne i alle fall prøva på ein pute. 

Hadde lyst  å bruka knappar i opninga, så då vart  det knappar med hemper. Knappane er gjenbruk.

Så  trekantvesker igjen, og resultatet vart desse to.

Og endå ei strikkemappe med tilbehør har sett dagens lys.

Det er praktisk å ha eit etui til ting og tang i strikkemappa, og eit nålebrev til nåler, sikkerhetsnåler, maskemarkørar ol.

Ynskjer alle ein flott maidag :)




26.04.2012

17. maisløyfer

Det er verkeleg friske og flotte fargar i flagget vårt.

Eg starta å hekla slike i fjor, men gav opp, for eg vart ikkje heilt fornøgd med resultatet. 

Så starta eg på nytt no, og då gjekk det i grunnen greit, og eg kan sei meg fornøgd. Desse øverste er ein lang type.

 Og desse her er  korte, og har ein litt mindre rosett. Dei blir festa med ei sikkerhetsnål bak.

17. mai nærmar seg, og kanskje  er det nokon  som vil ha ei litt annleis  sløyfe i år :)

19.04.2012

Det er Norge i raudt, kvitt og blått

17. mai nærmar seg, og då er det kjekt å hekla litt småting som pyntar opp. Og det måtte jo bli i flagget sine fargar. 

Dei passar godt å ha til pynt, både med og utan gotteri. 

Eg fann fram boksen med dei finaste knappane i. Så på den eine vart det ei stjerne.

På den andre ein sommarfugl.

Og på den tredje ein blome. Knappane brukte eg til å festa sløyfene med.

Til slutt  vart det og glasbrikker i 17 maifargar.

Dette vil etter kvart bli lagt ut på Epla og Pipler.

Tusen takk for alle kjekke kommentarar som eg får. Dei blir sett stor pris på :)  Velkomen og til ny følgar.