GOD JUL

Julekuvertbrikker

Kuvertbrikker er veldig praktiske å bruka, og her har eg strikka ein juleversjon med hjarter på eine sida. Dei er strikka i Linde ren bomull, og er ca 25x38cm.

Ynskjer deg ei god førjulstid :)

Retrokjole med blad

Eg har strikka ein retroinspirert kjole med bladmønster nede på kanten, og i-cordsnor i livet. Sidan det snart er jul strikka eg den i julefarge, men den er nok like fin i andre fargar.  Den er strikka i Drops babymerino på pinnar nr 3. Oppskrifta er til ca 1 og 2 år, og du finn den her.

Takk for besøket, og god helg :)

Ut på tur-pose

Eg er tilbake til hekling, og her har eg hekla nokre posar som eg kallar Ut på tur-posar. 

Dei kan fyllast med god energimat, og festast til sekken/buksa/jakken, eller der det passar. Då har ein litt snadder lett tilgjengeleg på turen.

Dei kan sjølvsagt og brukast til andre ting, som sminkepose, hobbypose, osv.

Alle er hekla i diverse bomullsgarn, og dei er ca 14x15cm. Karabinkroken føl og med.

Eg sel dei for 205kr pr stk, inkludert frakt.

Takk for at du stakk innom, og god helg :)

Forkle til barn

Det er sikkert mange pepparkakebakarar rundt omkring i landet no før jul, og då er det kjekt å ha utstyret på plass.

Eg fann desse fine stoffa til å sy dei av.

Vil tru dei passar sånn ca frå 6-8 år.

Dei er ca 55cm lange, men då har eg ikkje regna med snora rundt halsen.

Eg sel dei for 200kr pr stk, inkludert frakt.

Takk for besøket, og god helg :)

Skuldervesker

Det er blitt endå nokre vesker i ein kombinasjon av tunisisk hekling/hakking, og vanleg hekling.

Denne gongen blei det skuldervesker som har plass til det aller mest nødvendige.

Sjølve veska er i tunisisk hekling, og kanten øverst, hempa og skulderreima er i vanleg hekling.

Dei er ca 16,5x10,5cm, og er hekla i Cotton medi.

Takk for at du stakk innom :)

Vesker i to hekleteknikkar

Det er alltid kjekt med hekling, og i desse veskene har eg brukt ein kombinasjon av tunisisk hekling/hakking, og vanleg hekling. 

Dei kan sjølvsagt brukast til litt av kvart, og dei passar og godt som strikkeveske.

Begge er hekla i Cotton medi, og dei er ca 27x17,5cm.

Takk for besøket, og god helg :)

Hekla vesker/clutch

Her går det fortsatt i hekling, og det er kjekt å koma fram til ulike modellar.

Begge er hekla i Cotton medi, og er ca 18x16cm.

Takk for at du såg innom, og god helg :)

Hekla vesker i retrostil

Det er blitt nokre fleire vesker. Denne gongen i retrostil.

Og det er kjekt å finna fine knappar som passar til.

Dei kan sjølvsagt brukast både som strikkevesker, og elles til det ein treng dei til.

Begge er hekla i Cotton medi.

Takk for at du stakk innom, og god helg :)

Strikk mens du går-veske

 Eg har hekla nokre strikk mens du går-vesker, som er fine å ha med seg ut på tur. 

Dei passar fint til å ha på armen medan ein strikkar, og det er plass til eit par nøster oppi veska.

Alle er hekla i bomullsgarn.

Og dei er ca 20 cm breide, ca 13 cm høge, og hanken er ca 23 cm.

Eg sel dei for 190kr pr stk, inkludert frakt.

Takk for besøket, og god helg :)

Clutch

Her går det mest i hekling for tida, og no har hekla nokre clutch.

Kvar clutch har fått ein fin knapp, og ei perle til pynt på snora.

Dei er hekla i Cotton medi, og er ca 17x11cm.

Eg sel dei for 250kr pr stk, inkludert frakt.

Takk for besøket :)

Haustsjal med riller og holstrikk

Eg har strikka eit sjal i Sandnes Tynn Line. Det inneheld 53% bomull, 33% viskose og 14% lin. Eg syns det var eit godt garn å strikka sjal av, og sjølv om det er lite lin i garnet fell det fint, og det er litt linaktig.

Det er og luftig og lett, men samtidig lunar det godt.  

Eg har og laga oppskrift, og den finn du her.

Takk for at du stakk innom :)

Hekla korger

Eg har hekla korger av båndgarn. Dei blei til underveis. Det var litt tungt med heklenål nr 7, men det var eit kjekt prosjekt.

Den eine er ca 24cm i diameter, og ca 16cm høg. Den andre er ca 20cm i diameter, og ca 14cm høg.

Dei kan vel brukast både til strikkekorg/hobbykorg, i gangen til småplagg som vottar, sjal osv, på badet til diverse ting og tang, og elles der dei trengs.

Takk for besøket :)

Såpeposar

Eg har hekla nokre såpeposar. Dei er fine å ha til små gåver med ei god såpe inni.

Dei er gode å bruka i dusjen, og det er enkelt å få brukt opp heile såpa når den ligg inni posen. Posen har og ein skrubbeffekt.

Alle er hekla i diverse bomullsgarn.

Takk for at du stakk innom :)

Rund retroveske med knapp

Hekling er gøy, og noko eg alltid kjem tilbake til.

Denne gongen blei det runde retrovesker med kule knappar.

Det er god plass til eit lite strikketøy, men kan jo brukast til litt av kvart.

Dei er hekla i cotton medi, og er ca 22cm i diameter.

Takk for besøket, og god helg :)

Serviettar

Eg hadde noko stoff  som eg syns kunne passa godt til serviettar. Det inneheld 55% lin, og 45% viskose. 

Det blei miljøvennlege serviettar som kan brukast om og om igjen. Dei blei ca 30x30cm.

Takk for besøket, og god helg :)

Brødposar

Det er kjekt å sy litt igjen, og her har eg sydd nokre brødposar i lin.

Syns dei trong litt pynt, så eg hekla ein liten blomst til kvar.

Dei passar til runde brød, småbrød eller småbakst.

Takk for besøket, og god helg :)