12.07.2018

Endå eit strikka nett


Denne gongen blei det nett med to hankar. 


Dei egnar seg godt til garn og strikkeprosjekt, men kan sikkert brukast både som eit lite handlenett, til ein tur på stranda, eller til anna ting og tang.


Dei er strikka i Tuva bomullsgarn, og er ca 40cm lange når dei ligg slik. Dei utvidar seg i breidda med noko inni.

Eg har og laga oppskrift, og den finn du her.

Takk for at du stakk innom :)

26.06.2018

Strikka nett


Eg har strikka nokre nett som passar godt til fruktnett, men dei kan jo og brukast til anna ting og tang.


Dei er strikka i diverse tynt bomullsgarn, så dei blei tynne og lette.


Slik ser dei ut utan noko inni, og desse blei ca 14 gram, og ca 20 cm når dei ligg slik.


Og desse er ca 9 gram, og ca 15 cm. Eg har og laga oppskrift til dei, og den finn du her.

Takk for at du stakk innom :)

20.06.2018

Blokkematter

Reklame: Rito Garn&Hobby.


Eg har lenge vore på utkikk etter blokkematter, og no har eg fått meg. Dei er sponsa av Rito Garn&Hobby.


Oppbevaringsposen er med glidelås, så det er eneklt å halda orden på dei når dei ikkje er i bruk.


Kvar matte er 32x32 cm, og 1cm tjukk, og det er 9 stk i pakken.


Slik ser dei ut, og dei har ei glatt og ei ruglete side. Du finn dei her hos Rito Garn&Hobby.

Eg har ikkje noko sjal å visa på blokkematta no, men eg held på med eit som skal blokkast når det er ferdig.

Takk for at du stakk innom :)

01.06.2018

Hekla etui



Når eg likevel var i heklemodus blei det nokon fleire slike etui.


Inni er det plass til det aller nødvendigste.


Og dei er kjekke å ha i strikkeposen.


Dei er hekla i Tuva bomullsgarn på heklenål nr 3,5.

Takk for at du stakk innom, og god helg :)


26.05.2018

Hekla korg med tilbehør


Her går det fortsatt i hekling. Denne gongen blei det ei korg med hank.


Den  passar godt til strikkekorg, men kan sjølvsagt brukast til anna ting og tang og. Her er det 4 nøster oppi.


Hekla litt tilbehør og. Eit lite etui med plass til diverse strikkerelatert. 


Den runde lappen til nåler får plass inni saman med anna ting og tang.

Det er hekla i Tuva bomullsgarn med heklenål nr 3,5.

Takk for at du stakk innom, og god helg :)

14.05.2018

Hekla nett


Eg har hekla nokre nett som sikkert kan brukast til litt av kvart.


Ser det er populært med hekla fruktnett, og det er jo ein god ide.


Kan sikkert og brukast til å ha småplagg i på reise, eller til eit lite strikkeprosjekt.


Dei er hekla i diverse bomullsgarn som passar til heklenål nr 3,5. 

Takk til deg som stikk innom, og velkomen til ny følgar :)

07.05.2018

Trekk til tekannesett


Dette tekannesettet fekk eg for nokre år tilbake. Det er i flittig bruk, og eg likar det så godt.



For at teen skal halda seg varm litt lenger, hekla eg trekk til det. Det blei nokre fleire enn eg trong sjølv, så desse er lagt ut på Epla.



Alle er hekla i Østlandsgarn med heklenål nr 3,5.




Takk for at du stakk innom :)

27.04.2018

Meir hekling


Ein hekla garnbolle fyllt med fargerikt garn.


Men den kan sjølvsagt brukast til andre ting og.


Det blei tre stykk, og dei er hekla i eit kabelgarn som inneheld 40% ull, 40%acryl og 20% nylon. Og eg har brukt heklenål nr 5. 


Desse to er mindre, og passar godt til å halda orden på diverse småtteri. Kjekt at ting og tang får sin faste plass.


Tusen takk til deg som legg igjen kommentar. Dei blir sett stor pris på :) God helg.

21.04.2018

Skilpadde og Marihøne


Det er kjekt med litt hekledilla innimellom, og denne gongen er det desse to som ser dagens lys.


Dei er hekla i Tuva bomullsgarn, og alle detaljar er brodert på. Dei passar godt som mjuke og fine gåver/leikar til dei minste.


Har du lyst til å hekla dei, så finn du oppskrifta her på Strikkoteket.

Takk for besøket, og god helg :)

06.04.2018

Nancygensar



Eg har lenge tenkt at eg skulle strikka meg ei Nancykofte eller ein gensar. Og eg hadde noko garn i Inca alpakka som eg har spart på til det rette prosjektet.


Fann  ut at desse fargane kunne passa godt til dette mønsteret, og eg er fornøgd med resultatert. 


Den er strikka på pinnar nr 3, og det blei ein lett, men varm og god gensar.

Takk for at du stakk innom, og god helg :)


25.03.2018

Påskekylling og påskesol


Det er alltid kjekt med koselege påskeaktivitetar, og desse figurane kan brukast både som påskepynt og som leikar til barna. Det er ingen perler eller anna småtteri som kan vera farlege for dei. Alt er laga med garn, og augene er brodert på.


Eg har hekla dei i Tuva bomullsgarn, men dei kan gjerne heklast i det garnet ein sjølv vil.


Dersom du har lyst til å hekla dei, så finn du oppskrifta her på Strikkoteket.

Ynskjer deg ei fin og kreativ påske :)

05.03.2018

Marius leggvarmarar


Her bit kulden seg fortsatt fast, så det er berre å strikka tilbehør og pakka seg godt inn.


Det eine paret er strikka i Viking sportsragg, og det andre i Østlandsgarn.

Ynskjer deg ein fin dag :)

16.02.2018

Gult er kult


Eg hadde nokre gule hesper med tjukt garn utan magebelte. Trur kanskje det var Trollgarn/Hillesvåg.


No er dei gjort om til to sitjeunderlag i påskefarge.


Dei blei tjukke og gode, og vil nok varma godt.

Takk for besøket, og god helg :)

06.02.2018

Herrevottar


Lageret med herrevottar var forlengst tomt, så det var på tide å strikka nokre fleire par. 


Dei er strikka i Østlandsgarn, og det er enkle mønster som blir til etter kvart. 

Takk for at du stakk innom :)